各位朋友聽分相,
五尺六尺丈一長(唱一場)
客家山歌大家唱.
尋烏山歌系好聽.

尋烏山歌系好聽,
自古榜上都有名,
條條山歌有妹份,
句句山歌有妹名.

句句山歌有妹名,
一句冇妹唱唔成,
句句唱出郎心意,
字字唱出妹心腸.

字字唱出妹心腸,
你夫打傷涯痛腸,
心想行前來去救,
又怕血上又加傷.

   一 
園中種菜蔟蔟生,愛俺摘來愛俺淋 
愛俺淋來愛俺摘,別人摘了會上芯. 
             二 
欖子打花花攬花,哥在欖上妹欖下 
掀起衣衫等郎欖,等到郎欖就回家. 
             三 
進山看到藤纏樹,出山見到樹纏藤 
樹死藤生纏到死,藤死樹生死也纏. 
             四 
盤子種菜園份淺,竹片燒火碳難圓 
啞佬使介單只筷,心想成雙口難言. 
             五 
燈芯搭橋勿敢過,新作田塍勿敢行 
山歌在口勿敢唱,心中想妹勿敢聲. 
             六 
屋瓦頂項捉泥鰍,冇影冇蹤硬話有 
阿哥本系老實伯,從來勿敢去風流. 
             七 
新買茶杯四面花,好杯勿裝隔夜茶 
好牛勿食苶頭草,好妹勿嫁老人家. 
             八 
風吹竹葉片片青,阿妹身材蓋一城 
阿哥心知想勿到,勿知嘛人命恁婧. 
             九 
日頭照眼看勿清,勿知對面系嘛人 
有情阿妹轉來嬲,冇情阿妹莫項身. 
             十 
嘛人可憐勿像俺,又冇長衫又冇鞋 
仆倒睡目光屎弗,仰著身子一條哉.

再說一句，金星哥的山歌有情有義，比某人狗屁不通的XX源“詩歌”（我看是尸哥，毫無情趣毫無韻味，就像木乃伊）好多了。

回復  2樓(尋烏追星哥)的帖子

好啊,經典!

回復  3樓(尋烏追星哥)的帖子

唉,喜歡山歌的朋友太少了,我想在這里把尋烏客家山歌唱響唱紅,如有更多愛好山歌的朋友就好了........

回復  4樓(金星閃耀)的帖子
不是原創，是收集整理的；忘了加以說明了。

回復  8樓(尋烏信息)的帖子


登錄/注冊后可查看大圖
感謝朋友來光臨,
掌聲陣陣響唔停,
阿哥今日真歡喜,
唱條山歌搭謝你.
喔噯~

唱條山歌答謝汝（音亨），情義又好心又同；山歌介久勿曾唱；就怕勿好面會紅。
想起山歌面會紅，祖宗傳統嫑（音煤）落空；心想唱歌就來唱，勿好去學假大空。

引用：原文由 尋烏追星哥 發表于 2012-2-23 23:05:53 :
唱條山歌答謝汝（音亨），情義又好心又同；山歌介久勿曾唱；就怕勿好面會紅。
想起山歌面會紅，祖宗傳統嫑（音煤）落空；心想唱歌就來唱，勿好去學假大空。

敢久唔前唱山歌,
今朝轉來照樣和,
山歌唔是考聲音,
好好歪歪唱穩來.


[此貼被金星閃耀于2012-2-23 23:51:20編輯過]

引用：原文由 尋烏追星哥 發表于 2012-2-23 23:05:53 :
唱條山歌答謝汝（音亨），情義又好心又同；山歌介久勿曾唱；就怕勿好面會紅。
想起山歌面會紅，祖宗傳統嫑（音煤）落空；心想唱歌就來唱，勿好去學假大空。

 是啊！這樣尋烏的老百姓文化生活才會豐富多彩起來！才不至于全體參加“釣蝦公”了！力頂！！！

回復  14樓(萬安書院)的帖子

好好歪歪唱等來,
唱歌唔係考秀才,
人人都有憂愁事,
山歌一唱心就開.

唱歌唔論好歌喉,
條條唱出解憂愁,
一日三餐歌綁飯,
夜夜睡目歌貼頭.

唱歌唔系貪風流,
唱歌本為解憂愁,
唱得憂愁隨水去,
唱得云開見日頭.

山歌唔使考聲音,
總爰唱來情義深,
句句唱來解勸妹,
句句唱出動郎心. 
登錄/注冊后可查看大圖

網上搭起山歌臺，
咁多歌友獻歌才。
一條山歌溜過去，
千條萬條對轉來。

老公走哩喊凄涼，日子敢短夜敢長；
老公在時容易過，暗晡么夫苦難當，
胡椒細細辣過姜。

身邊么夫激到癲，想興自家心冒煙；
一日食么半碗飯，人都餓得像鬼般，
愛轉妹家捱都懶。

老公做工捱心冷，后生妹子人看輕；
叔伯阿哥流口水，熟人朋友又來爭，
假作啞佬唔敢聲。

后生么夫畏發狂，夜夜睡目眠空床；
半夜想起老公事，汁水流了半張床，
唔得一夜到天光。

老公走哩心就慌，好比有日么月光；
塘里么水魚難養，叔公看倒眼敢癢，
捱今唔想起牌坊······

回復  18樓(昨夜星辰)的帖子

心想同郎共頭睡,
妹子冇郎睡唔燒.
睡到三更想也到
拿到枕頭肚中抱.